«Қазақтелеком» журналистер арасында өткен шығармашылық байқаудың нәтижесін жариялады | 32948

«Қазақтелеком» ҚР Тәуелсіздігінің 30 жылдық мерейтойына орай ұйымдастырылған журналистер арасындағы шығармашылық байқаудың қорытындысын жариялады. Кәсіби қазылар алқасы конкурсқа келіп түскен 70-тен астам өтінімдердің ішінен үздіктерді анықтап, бүгін компанияның бас қаржы директоры Асхат Өзбеков жеңімпаздарды құттықтап, қаржылық сыйақыларын табыс етті.

Еске салайық, қазақ және орыс тілдеріндегі жұмыстарды қабылдау ағымдағы жылдың 28 маусымында басталып, 30 қарашаға дейін жалғасты. Конкурсқа кез-келген БАҚ қызметкері меншік нысанына және материалдарды ұсыну форматына қарамастан, бірдей қатысуға мүмкіндік алды - баспа және интернет басылымдары, теледидар мен радио үшін қойылар талап ортақ болды.

Шығармашылық додаға қатысып, бақ сынау үшін https://telecom.kz/press сілтемесі арқылы өтіп, 2021 жылдың 28 маусымы мен 30 қарашасы аралығында БАҚ-та жарияланған материалдарды тіркеп, өтінім қалдыру керек болды.

Әр журналистке мақала жазу немесе телерадио материалдарын дайындау үшін төмендегідей тақырыптар ұсынылған болатын:

• Жетекші инфокоммуникациялық оператор - «Қазақтелекомның» телекоммуникация саласындағы оператор рөлінің маңыздылығын ашатын қызметі мен жетістіктері;
• Тәуелсіздік алған 30 жылдың ішінде телекоммуникация саласының дамуы;
• Қалыпты өмірде қолданылатын технологиялық трендтер, инновациялық технологиялар және қызметтер (5G);
• Ауылдарда жүргізілген талшықты-оптикалық байланыс желілерін тарту және «250+» жобаларын іске асырғаннан кейінгі ауылдар мен аймақтардағы өмір қалай өзгерді;
• «Қазақтелеком» АҚ-дағы трансформация бірінші таңдау брендіне айналу бағытындағы қадам

«Соңғы жылдары байқауға келіп түскен материалдардың басым бөлігі аймақтық БАҚ өкілдерінен екендігі қуантады. Біз халықпен тығыз қызмет ететін компания болғандықтан, өз өнімдеріміз бен қызметтерімізді бұқараға кеңінен таныту бағытындағы жұмыстарды үлкен қалалар мен облыс орталықтарында ғана емес, сонымен қатар аудандар мен ауылдар тереңірек танытудың маңызды екенін түсінеміз. Биылғы жылы байқауға 70-тен астам жұмыс келіп түсті, және оның біршама бөлігі аймақтық тілшілерден болды. Екінші байқағаным – мемлекеттік тілдегі материалдардың көптігі, бұл да қуанарлық жағдай. Жалпы, менің ойымша, біздің журналистердің шеберлігі мен кәсібилігі жыл сайын артып келеді, бұл әсіресе электронды журналистика саласында анық байқалады», - деді «Қазақтелеком» АҚ Бас қаржы директоры Асхат Өзбеков.

Ұсынылған жұмыстардың барлығын белгілі журналистер мен еліміздің жетекші іскерлік және қоғамдық-саяси БАҚ-тың бас редакторларынан тұратын қазылар алқасы бағалады. Байқаудың жалпы жүлде қоры 2 200 000 теңгені құрады, 6 жеңімпаз іріктеліп алынды. Олардың ішінде қазақ тіліндегі ең үздік материал үшін 1 орын және орыс тіліндегі ең үздік материал үшін 1 орын тағайындалды, оларға әрқайсына 500 000 теңге жүлде берілді, дәл осы принциппен екінші орын және 350 000 теңге, үшінші орын 250 мың теңге сыйақы табысталды.

«Өзім көптеген уақыт түрлі БАҚ-та қызмет етіп, журналистік тәжірибем болғандықтан, байқауға жіберілген жұмыстарды зерделеу мен талдау мен үшін өте қызықты болды, ал екінші жағынан, бұл үлкен жауапкершілік. Материалдар көп болды, объективті баға беру үшін оларды бірнеше рет мұқият қарап шығу қажет еді, біз байқау шарттарына сәйкес келмейтін кейбір жұмыстарды алып тастадық, нәтижесінде байқаудың қорытындысы бойынша, бірнеше күндік талдау нәтижесінде мен және әріптестерім шын мәнінде мықты жұмыстарды таңдап алдық және қазылар алқасының әрбір мүшесінің рейтингіне сүйене отырып, ортақ шешіммен жеңімпаздарды анықтадық», - дейді байқау комиссиясының мүшесі, «Самұрық-Қазына» АҚ департаментінің PR бөлімінің аға менеджері Асан Ахметжан.

Журналистер арасында өтетін шығармашылық байқауды компания жыл сайын ұйымдастыруды дәстүрге айналдырған. Бұл байқау «Қазақтелекомның» атқарған қызметін көрсетумен қатар, технологиялар мен IT саласының соңғы тенденцияларын, инновациялар мен телекоммуникация саласындағы жаңа өнімдер және тағы да басқа өзекті тақырыптар туралы көбірек білуге мүмкіндік береді.

«Қазақтелеком» АҚ
Коммуникациялар департаменті